山歌·求老公_梦远书城

求老公

　　来个姐儿上穿青，
　　下穿红，
　　手拿香盒过桥东。
　　路上行人问道，
　　姐儿你在罗里去？
　　我到处烧香求老公。

　　（白）

　　别人家嫁个老公七伶俐，八玲珑，
　　又长又大又充同。
　　偏有小阿奴奴年灾月悔，
　　命犯孤穷，
　　嫁着子介个乌龟王八，
　　生得又麻又瞎又痴又聋。
　　上床好似背板牵，
　　下床好似鸡踏雄。

　　昨夜一更后，二更中，
　　爬来小阿奴奴头边来学打雄。
　　髭须触痛子奴个嘴，
　　鼻涕流来累子奴个胸。
　　惹得小阿奴奴心性发，
　　一脚踢倒在里床东。

　　（歌）

　　只有五更头小阿奴奴熬弗得，
　　捉渠仝装只一摸，
　　好似烟熏萝卜火烧葱。

　　（皂罗袍）

　　这般模样，
　　教我怎容？
　　因此别寻一个好家公！

梦远书城(guxuo.com)